الليل سارقة النهار والنوم في كفٍ بخيل

والشمس في عيني لها مدة طويلة شارقة

هذي ثلاث ليال يسهرني من الهم الجزيل

وانا وصبري والهموم اللي تزيد مسارقة

القلب لو انه خلي لبس العيون السود ليل

والسهر فارق جفني المملي سهاد وفارقة

الى متى يالمستحيل تبقى لعيني مستحيل

الى متى وانا اعشقك وروحي بهمك غارقة

ياسيدي صاحب سمو الحب ابو بالٍ طويل

للصبر حد وحد صبري ماتركني بارقة

عنيت لك خيل الغلا واسرجتها صبراً جميل

زهابها شوقٍ من الهجران نارة حارقة

وراء سرابك طولت تركض وتصهل لك صهيل

ملت وتعبها العدي ثم عودت متفارقة

الشوق في عين المحب للي يكن أعظم دليل

وحبك بدنياي الأكيد أصبح علامة فارقة

للوصل يامتعب خفوقي دلني كيف السبيل

شباك وصلك للهواء مشتاق واتعب طارقة

افتح شبابيك الغرام واسمح لمحسوبك يميل

خل المحبة بيننا طول الحياة مزارقة