نسيت النوم وأحلامه
نسيت لياليه وأيامه
بعيد عنك حياتي عذاب
متبعدنيش بعيد عنك
مليش غير الدموع أحباب
معا يعيش بعيد عنك
غلبني الشوق وغلبني
وليل السهد دوبني
ومهما الشوق يسهرني
ومهما البعد حيرني
لا نار الشوق تغيرنى
ولا الأيام بتبعدني
بعيد عنك
لا نوم ولا دمع في عينيه
مخلاش الفراق فيه
نسيت النوم وأحلامه
نسيت لياليه وأيامه
ما بين الشوق والامه
وبين الخوف وأوهامه
بخاف عليك وبخاف تنساني
والشوق اليك على طول صحاني
غلبني الشوق وغلبني
وليل السهد دوبني
ومهما الشوق يسهرني
ومهما البعد حيرني
لا نار الشوق تغيرنى
ولا الأيام بتبعدني
بعيد عنك
أفتكرني في لحظة حلوة
عشنا فيها للهوى
أفتكر لي أي غنوة
يوم سمعناها سوا
خد من عمري .. عمري كله
الا ثوانى أشوفك فيها
غلبني الشوق وغلبنى
وليل السهد دوبنى
ومهما الشوق يسهرني
ومهما البعد حيرني
لا نار الشوق تغيرنى
ولا الأيام بتبعدني
بعيد عنك
كنت باشتاق لك
وأنا بيني وبينك خطوتين
شوف بقينا ازاي
أنا فين يا حبيبي وأنت فين
والعمل ايه العمل
ما تقولي أعمل ايه
والأمل أنت الأمل
تحرمني منه ليه
عيون كانت بيحسدني على حبي
وداوقتي بتبكي عليه من غلبي
وفين أنت يا نور عيني
يا روح قلبي فين
فين اشكي لك فين
كل ما بتهيالي حاجات
فين ابكيلك فين
بيريحني بكايا ساعات
غلبني الشوق وغلبني
وليل السهد دوبني
ومهما الشوق يسهرني
ومهما البعد حيرني
لا نار الشوق تغيرنى
ولا الأيام بتبعدني
بعيد عنك

نبذة عن القصيدة

المساهمات


معلومات عن مأمون الشناوي

avatar

مأمون الشناوي

مصر

poet-Mamoun-El-Shenawy@

76

قصيدة

مأمون الشناوي شاعر العامية الكبير (28 أكتوبر 1914 - 27 يونيو 1994) هو أحد أبرز شعراء الأغنية العربية في مصر، وواحد من رواد الشعر العامي. ولد في مدينة المنصورة، واشتهر ...

المزيد عن مأمون الشناوي

تصفح ايضا

avatar

بيرم التونسي

poet-Bayram-Al-Tunisi@

avatar

جمال مرسي

poet-Gamal-Morsi@

أقراء ايضا ل مأمون الشناوي :

أضف شرح او معلومة