قالت من اللي ساكن بقلبك الحين

قلت الهنوف اللي معي وسط بيتي

قالت نسيت اللي مضا بيننا اسنين

قلت انتي اللي قبل لا انسا نسيتي

قالت نسيت اللي جمع بين قلبين

قلت انتي اللي بالبدايه جفيتي

قالت بذكر حضرتك والذكر زين

قلت الله اكبر كيف رحتي وجيتي

قالت تذكر عام سته وتسعين

قلت ابتديتي فيه ثم انتهيتي

قلت عهودٍ ماضيه بين الاثنين

قلت انتهت من يوم غيري بغيتي

قالت رسايلك القديمه بحرفين

قلت احرقيها واذكري ما جنيتي

قالت بسمع حضرتك بس بيتين

قلت اعرفها بس عنها سليتي

قالت حرام الدمع حرق لي العين

قلت الله اكبر من منامك صحيتي

قالت وراك اتحطني بين نارين

قلت انشوي في نار منهو شويتي

قالت اجيك يسار وتجيني يمين

قلت الحقيقه لو بها ما رضيتي

قالت حسن قلبك متى يمي يلين

قلت انتي اللي قبل لا اقسا قسيتي

قالت ابي علمك يجي بين قوسين

قلت ما ذكر انك يوم رحتي طريتي

قالت نهاية حكينا يا حسن وين

قلت اتبعي منهو بدربه مشيتي