خارج اسوار الدراسه والمدارس  والدروس

ياليالي في دروسك ماخذ صوله وجوله

ما تهيبت المقاف ولا تعودت الجلوس

وان خطر في بالي شيء وقلت باطوله  اطوله

رابي بين الرجال اللي لها قدر امحسوس

الرياجيل النشامى المناعير الزحوله

امغروس الطيب فيهم مثل مالعز امغروس

مكتسين العلم والناموس واعلوم الرجوله

في كرمهم مثل غيمه بالمطر قامت تهوس

وفي سخاهم مثل وبل الغيث لا فاضت سيوله

مقتبس منهم سمات العز واكرام النفوس

لين ما خذت الصداره من بطوله  في بطوله

معتلي مجدي وعيني للسحايب والشموس

دايم اطمح  وادري انه ما يجي شيء بسهوله

ولانقلب حال الليال وشفتها بوجه عبوس

اصمد بوجه الليالي وانتخي عيال الحموله

لين ما تصبح بعيني كنها البنت العروس

الصحيح من الرجال اتوافق اقواله فعوله

والمراجل يا رفيقي ما تجي درباي روس

انتبه ولكل زمان له رياجيل ودوله

والمواجع لا تبين حطها بين الضروس

خير من يشمت عدوك فيك  والناس العذوله

وعز نفسك يا رفيقي  والمهونه للفلوس

لعنبو جد السيوله لا خذلت راع السيوله

كم خذينا ياليالي من تجاريبك دروس

كل دقه بتعليمه وما يجي شيء بسهوله