ياشاكي ٍ همه على غير حلحيل

مارجلك محصلة ٍ الاتعبها

ازبن على الطيب لياضدك الميل

ارد العيالم والرسوس اجتنبها

ومعزبي لعلها له تساهيل

والله مابه طالة ٍ ماكسبها

نايف رجانا فالليال المقابيل

الله يا مال ٍ به يقود الرجابها

ونايف ليا عدو زحول الرياجيل

نايف سعد عين الرفيق وعجبها

ونايف هو اللي به تزين التماثيل

معزته ورثة فحل ماغتصبها

من راس زيزوم السرب مرذي الخيل

مشبع جياع ٍ طال قبله سغبها

عبدالعزيز وخل عنك الدهاويل

النعمه اللي نعيشها هو سببها

ياالله يامنشي صدوق المخاييل

ياخالق النمله وسامع دببها

تحفظ لناروس الرجال المشاكيل

ال السعود اللي عريب ٍ نسبها

هم روسنا الاخيار جيل ٍ بأثر جيل

وش عاد ياللي كلمته ماحسبها