لك عين تتكلم بعد ما تسببت

بجروحي وتسأل بعد ويش سويت

اخطيت في حقي ولا كنك اذنبت

اللي يشوفك ما يقول انك اخطيت

انا احسب ان عقلك تعافى وقد طبت

اثرك على نفس العقل ما تعافيت

ياثقل دم اليوم ليسمي السبت

وياثقل دمك كل ما اصبحت وامسيت

انت اتحرى جيتي كل ما غبت

وانا اتحرى غيبتك كل ما جيت

اذنبت في عرفك ولكنني تبت

الله يسامح زلتي يوم زليت

الصدر يتفجر بعد حالة الكبت

انا اشهد ان صدري تفجر ومليت

اغسل يدينك اني اجيك لو شبت

معروف عني دام صديت صديت