كف شالت شموع وكف شالت غلا

وأنت بين الأيادي نجمة ماتطيح

هو صحيح الحبايب بالوصال بخلا

آه مصعب سؤالي بالخفوق الجريح

انتظرتك حبيبي في عيون الولا

ياحبيب المكان وحاكمه بستريح

قبل احبك وهبتك شوق صدري امتلا

ولاطريت بخيالي هب بالصدر ريح

مرني في عيونك كل كلمة هلا

الظما في عيوني وانت وصلك شحيح

من يقول السوالف للعيون ابدلا

خاب ظن الكلام وطاب حظ المريح

ليت مانيب واله للمحاجر ولا

في خفوقي شعور لك يقوم ويطيح