اشفق على شوفك وهرجك ولاماك

واذكر ويمنعني لاجيك الوداعي

مايحتمل قلبي وداعك وفرقاك

والحزن والعبره وكسر الشعاعي

ولايحتمل كثرة تنهدك وبكاك

اخاف يقدرني واجيك متداعي

ثم اتسبب في مشاكلك وابلاك

ويضيع مستقبل حياتك ضياعي

ويضيق بي ثوبي وتشمت بك اعداك

واندم على تصرفي واندفاعي

هذي سبايب صدتي يوم تخفاك

هذي سبايب غيبتي وانقطاعي

والا الغلا غالي ومغليك مولاك

غلاك فوق القدر والمستطاعي

سخرت لك طرفي وحرفي والابواك

وارخصت شيٍ بالذهب مايباعي

قلبي واحاسيسي وماجاك يفداك

تستاهله وانت الحشيم المطاعي

ويستاهله عنقك وسمحة محيّاك

وتستاهله خرس العيون الوساعي

وتستاهله من شعر راسك لماطاك

مااشوف للتفصيل والوصف داعي

حيث انني لو اجتهد في مزاياك

لايمكن احصيها بشتى المساعي

لايمكن احصيها ولايمكن انساك

هذي حقيقة موقفي وانطباعي

ولاعاد تنشدني ولاعاد يخفاك

اسباب عنكم غيبتي وانقطاعي