انصفيني جيت وأعلنت انهزامي

باختصار بلا سلام ولاتحيه

لو نسيتك لو دقيقه ياغرامي

الدقايق كلها تشره عليه

موغريبه ليه ما ارجع في كلامي

اعترافي بالخطا ما هو خطيه

التزامي وين أنا وين التزامي

والله ان الموته أهون يابنيه

كيف أعاف الما وأنا الملهوف ظامي

كيف أعاند نبضة القلب الوفيه

ياهواي أشتقت والشوق اهتمامي

انتي الأولى ولا لي بالبقيه

ومن مكاني كان الله ما يلامي

لو سعى لرضاك في روحه وجيه

وش أسوي وأنت الحلم فمنامي

وفي صباحي والمسا وعقب العشيه

هذا انا كلي رجعت أعزف هيامي

رافع راسي وقلبي بين ايديه

انصفيني دامك بعصري مرامي

ودامك أغلى من مشى وسط البريه