بِلَيل وشِتِي صوتو مسموعْ
يا هُوِّي اغْمريني يا هُوِّي دْموعْ
تْنَيْنْ عاشقين قاعدين دايبين
عم يحكوا سَوَا على ضَوّ الشموعْ
***
عِينيهُن بِبَعضُن إيديهُن بردانينْ
وشفافُن عشّاق مع بعضُن سهرانين
وامْرقي يا سنين .. واتْلجي يا سنين
خلّي بْواب الليل علينا مْسَكَّرينْ
ولا يعطش حَدا مِنّا ولا يجوع
***
بِلَون الفْراق الْـ بْآخر قصّتُن
عَ خْيوط الشتي مكتوبِة سهرتُن
وما بين بوسِتُن .. عَ الشمع وآهِتُن
كِلّ ما تذَكَّروا هالباب بتنزَل دمعتُن
الْـ من جَمْرِتا قلبُن موجوعْ