عيدين عدّن لا لقا لا مراسيل

لا كلمةٍ تحيي يباس الأماني

تستعذبين البعد ياعذبة الجيل

وأنا اتعذب يابعيده واعاني

بس الدموع اتجاوب القلب واتسيل

والشوق جمرٍ يحترق بالمحاني

ياليت حبك حلم واقفى مع الليل

ليت السوالف ما تعدت لساني

وين ابتعد ياوجهتي وين ما اميل

عن حبك اللي وين ما ابعد لقاني

انتي السوالف والمطر والمواويل

وانتي الربيع بطلته والأغاني

الناس صاروا في غيابك تماثيل

والشعر ماتت فيه روح المعاني

(حنان) لا حّل المسا وأقبل الليل

أذوب من وجدي عليك وحناني

ما غير اعزي دمعتي بالمناديل

وانام بحضان الأمل والأماني