الظاهر إن الفراق أصبح لنا خِيره

مادام قلبي في وادي وقلبك بوادي

مافيه داعي نلوم ونشتعل غيره

كل منا ياخذ طريقه وبشكل هادي

أهديت لك فرحتي وأشغلتني بحيره

وأثرك شقا غربتي و ظنيتك بلادي

كلما عطيته فؤادك قل تقديره

ماأدري هاين غلاي أو حابب عنادي

الهم في عشرتك يا صعب تصويره

ألقاك آهي ودمعي وجرحي وسْهادي

لو كان للحب في قلبك ذره صغيره

ماصار عندك طبيعي قربي وبعادي

واللي يخون المشاعر خيره فغيره

ماله مكانٍ يحضنه داخل فْوادي

ابعد مادام إن قربك منوكل خيره

ماعدت مقصد هواي اليوم ومرادي

حتى غيابك شقاه انزاح تأثيره

وياك والا بدونك الأمر عادي