كل الظاهر كالفجر والشمس وظلال النهار

في وجه ما عندي من احساسٍ تجاهك خاسرة

الليل يسهر في السما ساعات تكفي الانتظار

والنور في ساعة غروب يموت موته عاثرة

والصوت يتلاشى مثل سرٍ يطفّيه الجهار

والياس يبني للأمل عمر الظنون الماكره

وللغيم وعدٍ ما يفي للي يلوّنه السمار

يبقى السمار وتختفي كل الطيوف العابره

وما تبتدي هبّة هوى الا ويشقيها الفرار

وما تنتشي أرضٍ عليها ضحكتين مسافرة

وإلا المسافة تختفي من واحدٍ يبدي قرار

والأجتماع اللي يذوق الليل لحظة نادره

كل الظواهر كاليدين تحسّ لكنها تغار

من تلمس الحيره إتمنّى كل نفسٍ حايره

وطبع الخيانه يبتدي يمناك ويعافك يسار

يحطّ في عيونك عيون لكل عينٍ طايره

كل الظواهر كلها متغيره مثل الفنار

متناقضة في طبعها تبقى ولا هي قادره

تبقى وفيّه كالعيون اللي معك بالإختيار

اللي تحبك لوقضت كل الليالي ساهره

لو كل ما فاض الحنين بها يطول الإنتظار

تبقى معك ما تشكي صدّك ولو هي شاعره

وتبقى الظواهر كلها بأبسط كلام الإختصار

في وجه ما عندي من احساسٍ تجاهك خاسره