إلك يا معلمي مني تحية
تحية متل إيمانك نقية
تحية من محبين الشطارة
تحية من الصفوف المدرسية
أنا مؤمن بفضلك عن جدارة
وبعاطفتك على روحي الطرية
قبل ما تروح إيامي خسارة
قلعت جهلي وزرعت العلم فيّ
انت يا معلمي لمعة منارة
بتهدي عالحقيقة وين هية
إنت شمعة على مذبح حضارة
عم بتدوب كرمال البقية
نهارك عن الواجب ماتوارى
بشرح دروس بالمعنى غنية
بعد خدمة صفوفك والإدارة
بتجي بتصلح دفاتر عشية
ما بتوفيك حقك هالعبارة
وحقك أكبر من المادية
بس بقول عن لهفة وحرارة
لو ما تكون مخلص للرسالة
انتهى عمر الحروف الأبجدية
******
قضايا معلم بإيمان صافي
افتخر بالعيد يعطيك العوافي
بعيدك شبعت الدنيا مسّرة
وعي جفن الضمير الكان غافي
حملت رسالة التعليم مرة
بصدق وعطيتها وجدان كافي
وأنا عندي رجا مليون مرة
عليك العيد خالقنا يعيدو
تَ يعطي للدني مراية