وكرومكُن عَ كلّ مدّ تزيد
تغزل محبّة وشهد وعناقيد
والعنب يعصر عوافي وعمر
ويقطّر السكّر ليوم العيد
***
صيّف يا صيف
عَ جبهة حبيبي
لوّح يا سيف
رجعتنا قريبة
***
من حيّ لحيّ
عم توعى البشاير
وبلاد الفيّ
فيها الفرح داير
خلّيكي خْطَيْ
ضوّي على الداير
يا شمس الْمَيّ
حلّفتك لا تغيبي
***
دايم عالدَّوم
عتبانة الصبية
والعتب لَوم
والزعل غنّية
ومرقت اليوم
ما بتسأل عليّي
يا طير النوم
أنا متلك غريبة
***
مِيْل ميل ميل
يا غصن الهوى ميل قناطر مضوية وبراج عم بتميل
***
لُوْح لوح لوح
يا غصن الهوى لوح
شمس الهنا جايي والليل عم بيروح
طِير طير طير
يا غاب العصافير
هَرَبوا التعالب من وجّ النواطير
قول قول قول
بلكي الحكي بيطول طلّت من جبالها عَ سهول خلفا سهول
غيب غيب غيب
بالملعب الغريب
صوتك اللي حاضر قصّف نياب الديب
عيد عيد عيد
موّالك الوحيد
ضحكت الصبية وحليت العناقيد
أوف أوف أوف