الا ياوجد روحي كل ماهبت هبوب النود

وجود الي تعنى في حياته وانتهى صبر

يشوف الهم قدامه ويسري فاليال السود

على حلم السنين الي عطته من العنا عبره

على ذاك الحبيب الي هجرني والليال شهود

هجرني وابتعد عني وانا مااقوى على هجره

هجرني وابتعد عني وضعت بدربه المسدود

هجرني وانتهى حلمي بعد خانتني العبره

بعد ماكان في قلبي هو الغايه هو المقصود

تركني للعذاب وذقت مر الوقت من غدره

تركني للعنا والهم والمسرى بدون حدود

تركني ماحفظ قدري بعد ماصنت انا قدره

تركني للسهر بالليل يومن العباد رقود

اعاين فالنجوم المرقبه والصدر به جمره

اعاين في نجوم الليل وهمومي علي اتزود

ليا مني ذكرت انه نساني واقتنع مره

واتوه بغبة احزاني واصير بعالمن مفقود

ليا مني ذكرت الحب والميثاق والعشره

وذكرت اني على شانه بذلت جهود بعد جهود

على شان يتهنى فالحياه ويفرح بصغره

صغير يقولي تكفى محبتنا عليها عهود

وانا اقول الخفوق الي يحب بصدق مايكره

ليا منا توصلنا وسرنا بالكرم والوجود

ترى ماهمنا الحاسد لو انه مات في حره

تريح لاتشيل الهم دامني معك موجود

انا الي مايخونك لو يخون الآدمي عمره

نسيت انه هو الجاحد وانا الي فالهواء مجحود

نسيت ان الهواء الكاذب يموت ولا انجنى ثمره