وزنه ثجيل الروز وايشف

صبري .. ولحظه عنه ما اقدر

غض غضيض امحني الجف

جن انمله ميناز بشر

نسنس نسيم الصبح وايهف

على غناتي وقت لبشر

يا اللي عليه افوادي أيرف

واخصوص يوم أشوفه ايفر

خجل المهف من ينبك الترف

وخجل الحرير وربدة الصر

ما دام لك في ربعتي شف

ببذل دمي والمال لحمر

اتسال عني وانته اعرف

مني بحالي … ش اتخبر

بفراقكم بايت اتحسف

من فارق الأحباب يسهر

جفنك كحيل وجفني اينف

يا معندك الله و اكبر

خذني ابسابح صوبه ايلف

في عسعس الديجور تشكر

قلبه علي احن واعطف

لكن غلاه ابقلبي اكثر