حَي المنازل جنوب السيف

مِمتدة الطول مصفوفه

امشِي على زينها واقيف

في حبها الروح مشفوفه

دار الخدم والكرم والضيف

دار المناعير معروفه

دار العجب والطرب والكيف

والانس والفن ودفوفه

علمي بها من ليالي الصيف

يوم البخت ناشرٍ نوفه

أيام حظي يقص السيف

يشرب من المي بكفوفه

يا دار ربعي عساك الريف

ترتع جوازيه وخشوفه

لي فيك غصن يهيف يعِيف

محبتي فيه مخلوفه

مثل عظيم البها ما شيف

مهرة وزيرٍ ومعسوفه

ما شوف منه لفى تعريف

يا وجد عيني على شوفه

ليته يجيني ولو بالطيف

وتفارق القلب ها اللوفه