وين عهدك في عيونك وين هذاك الوعد؟

يوم صافحته لغيري ويدك بس حضنت يدي؟

ما اشعرت كل الخلايق بيننا شي انفرد

ذاك صبح ن أشتريه بالعمر واكحِل مرودي

من سلامك تفتح الجنات حولي والسعد

بك رجف خفقي قبل تترك يديني لساعدي

لو قروها ما دروها وما يفكو ما ورد

ما قراها إلا ودراها من تملى بمضعدي

كانت الدنيا صباح وكل مولود انولد

جيت آخر من عنا منهم لشئٍ واحدي

تذكروني يا أغلى ناسي والنسايم ما برد

بي على طول الليالي طول صبري واجلدي

اخترع وأسلى سوالف باقي إحساسي شرد

استحث العمر يمضي بين عداتي يعدي

جت تقول الخال في كتفه وأنا قلبي صمد

قلت أنا اللي في شغافه خال ودي معتدي

ما تجرا ولو انسكب قدامه مثقالي شهد

وما أراه إلا العزيز اللي مقامه والدي

كان ذا بألفين واحد قبل مطرات ورعد

يعني بحساب الحروف تفك كلمة سيدي

بك ولك كل الحكايا ولو حكيها ما انجرد

ما يعافك ما يخافك ما يجفك موردي

ارجع لوقت الزوال وانتشي بك من كمد

واذكر ان الكل طافو وكنت وحدك تبتدي