وقلت ارقي جبال الروح ذي غرفة كتاباتي

لو إنه كل شي روعته في سره المجهول

من الدولاب قرّبتي سحبتي دفتر ابياتي

عرفتي ليه انا شاعر وصحتي : منهو المسئوول

على الكرسي جلستي , والمرايا تنزف جهاتي

حدودي للرياح مفتحه ليلي يطق طبول

تسافر بي حلومي .. تستدير وتسكن شفاتي

وهي سرب الفراش اللي تنهض والزهر مشغول

وهذي ساعة الحايط .. تدور وتندب اوقاتي

تثاوب .. والثواني بارده : صمت .. وكسل .. وخمول

ضجيج الناس يكبر من يبي يصغي لهمساتي

والى فليت مكتوبي ركض بين السطور خيول

وفجأه . قلتي اسكت .. واستفزيتي معاناتي

وانا صبيت لك نهر الحنين بكاسك المغلول

مشت : يصفرّ ليمون الشّره .. تهتز موجاتي

تفجر بي براكين السؤال .. اسمع : صرير قفول