شبّاكي فْ أودتي
دايمًا بيطل
دايمًا على حيرتي
وتملِّي يهلّ كطفل بيصرخ في جميع الأوقات
لو حتى حكينا لُه
كل الحكايات
بيشوف الطقس في كل الأحوال:
بارد وبيغلي
لحظه ..
ضاعت ملايين الأطفال
أما الأبطال
هُمّا في كل بلاد العالم ..
هُمّا قتلةْ كل الأطفال
شايفين الطقس ف كل الأحوال:
بارد .. وبيغلي
باحبك
وسط المسروقات
والمفروشات
والمعروضات
في الرايحه وفي الجايات
وف كل حاجه من الحاجات
ما اعرفشي مالي ولا قلبي مالُه
دا عقلي حالُه .. حال
ومزاجي متغيّر ..
مش هوّه عال العال
مانا شفت الطقس فْ كل الأحوال:
بارد .. وبيغلي