سامحينا .. يا (....) مابقى فينا مشاعر

التبلّد في مشاعرنا غدى مثل الطبيعه

لو يسيل الدم الأحمر والدموع من المحاجر

لو نشوف اعظم فجيعه مانسميها فجيعه

كلنا في .. خانة اصبر .. مثل سكان المقابر

والصبر نشقى بصيفه ويتعدانا ربيعه

من .. تقهقر في .. تقهقر لانقاوم ولا نبادر

الله أكبر يازمان الذل والروس الخنيعه

نحكي ونضحك ونسخر نزحم البث المباشر

نذكر التاريخ يوم العز والروس الرفيعه

نلعب ونرقص ... ونبطر بالملاهي والمتاجر

مايهز قلوبنا زلزال الأحداث الشنيعه

صرنا .. للتاريخ .. معبر .. يمتطينا كل فاجر

صرنا في ذيل الأمم بعد ان كنّا بالطليعه

امتي .. ما عاد تشعر حتى في طعن الخناجر

لو يباع العز بتراب .. وحصى يمكن نبيعه

همّنا .. ناكل ونسهر .. ونتباهى .. بالمظاهر

ونقضي الساعات في لهو القنوات الخليعه

عقلنا .. طاح وتدحدر مالنا فالمجد .. خاطر

الا كيف الفلم؟ والفنان ؟ واخبار المذيعه

سامحينا .. (...) مابقى .. فينا مشاعر

التبلّد في مشاعرنا غدى مثل الطبيعه