كدبنى يا كداب
يا هيصة الزفه
واحكم عليا بالخرس
وف ميتمى اتشفى
الصدق كهل كسيح
على وشه يتكفى
والكدب زى الريح
فى هوجة البحر
بيقلب الدفه
من كام سنه بنلف حوالين الضريح
أحلامنا فى كفه ويأسنا ف كفه
******
كدبنى يا كداب وكدب صوتى
أنا اللى ياما مشيت على دمى
وحفيت على قوتى
ولخبطت غزلى الحياة
فاتشعلقت فـ خيوطى.
سمير الأمير شاعر ومترجم مصري، صدر له عدد من الدواوين الشعرية ومنها: "برة المجرة"، و"مجرد رد فعل"، و"تفاصيل حلم ما كملش"، و"شعر أو لا شعر"، وله العديد من الأبحاث في ...
