إن كنت إلى ذلحين في عينك طلبتك خلني

الا أنا ليه أطلبك وأنا ادري أن هذا محال

يمكن لوأني دمعةّ في ناضرك ماتهلني

لأنني في ناضرك مثل الجسد هو والضلال

خليتني مثل الورق سود الليال تفلني

وأنا معذبني زماني من شقى سود الليال

ليت الزمن قدام يحرمني عليك يحلني

بس البلا أن الوضع دونك لاحرام ولاحلال

مليت من صبري وصبري من كثر ماملني

أصبحت أداري دمعةّ ماهي تبي طرح السؤال

(ينتابني بعض الأمل لعلني لعلني

حين اللقاء أجزم بأنها لحظة وصال )

تدل بيتي وتعرف وين أسكني وتدلني

مابقي الا أقول لك عجل علي يابن الحلال

تدري وش اللي فالمحبه من سببك يعلني

نظرات حزن تنولد وتموت (ف)عيون الرجال

ما أعتدت أجي لي في مكان يسرني ويذلني

معزت الرجال دامه حي مافيها جدال

لك وحشةّ أتلني لا أشتقت لك ويتلني

وجدّ يحايل دمعتي لا عرضو لك في مجال

ياليتني جوالك اللي في يدك وتشلني

عشان صوتك مايفارقني مع كل إتصال

لكن أخاف أنه إذا جاك إتصال تملني

ثمّ تسكرني وأنا مالي على الصبر إحتمال

أما فشغلني على طول الزمان وخلني

والا أني أبقى فنظرك مثل الجسد هو والظلال