أصيب فى ظنى بالايام واخيب

واشبة معانى واختلف عن معانى

واقف على حد الرجا والمكاتيب

وامشى ورى قلبى وانا فى مكانى

من يوم ماغيب شبابى ثرى الشيب

وانا اتخيل دمعتة لابكانى

ومن ضيقة الخاطر وقل الاصاحيب

بان التعب حتى بنظرة زمانى

لو كانت الحاجة تعرف المواجيب

ماخلت الطيب وراها يعانى

ومن كان بالدنيا قليل التجاريب

يشوف هزلات الليالى سمانى

بعض القصيد أحيان نقص وعذاريب

مالة حضور ولاشعور وموانى

وبعض القصيد اليا حضر لة معازيب

وان غاب اقصى غيبتة بالمحانى

مثل المسافة والضما والمشاريب

نقرب وتبعدنا حدود الامانى

صراحة الطيب وشرهة هل الطيب

عندى معزتهن معزة اخوانى

وياللى على الفرقا كثير المطاليب

ليتك قبل لا تروح تصبر ثوانى

البعد بعد القلب...لاشك لاريب

الحب الاول مايعوضة ثانى

وفرقا المعاند ماوراها مكاسيب

كلمة وقايلها بعضمة لسانى

يجوز يقوى قلبك البعد ويغيب

لكن يبى يبطى وهو مانسانى