في غيابك …. انت ماتدري وش الدنيا فغيابك !!كانت الدنيا تعلّمني [ أحبّك ]
شكّلت فوضاك / ترتيبك / تفاصيلك / ثيابك
وقّفتني مثل مالعالم توقّف عند بابك
في غيابك ….كان للأرض الحزينة غير شكل الأرض والسماء كانت رماديّة كئيبة
والحياة ….
الحياة صارت غريبة
شي ثاني
شي ما أعرفة ولا أحسّه لقاني
كانت الدنيا :
تصيح
تصيح
تصيح
ياغايب ارجع وتكفى معك رجّعني
انا غديت فغيابك شي ما عْرْفَة
من غبت عنّي وهذا الوجد لوّعني
مليت هالناس والجدران والغرفة
ضاقت بي الارض من غيرك بياسعني
الا حزن كل هذي الارض احترفة
من غبت والعالم المجنون ودّعني
حتى العصافير ماحطّت على شرفة
كأن هذا [ الحفر *] عينين تَدْمَعْني
ضاقت بحزني ولافيدينها صرفة
تَرْبت على كتفي اليمنى وتجمعني
تحضّنّي بحزن : تبكيني ومعترفة
تقول : يا أصدق العشّاق يوجعني
حزنٍ سهر في عيونك ماغفى طرفة
والغياب آه ياهذا الغياب
ريح تسكن في أقاصي كل عاشق
كل ماهبّت يطيح !