لاتجرحيني قدّري وإعذريني

وش تنفع الكلمة ليا قلت مشتاق ؟

ضاع الأمل وش عاد أنا في يديني

الصيف ماقدّر ظمى خضر الأوراق

خلّيني أرحل مع بقايا حنيني

والله يصبّرني على جرح الأشواق

ماهو تهرّب .. قلتها شوْف عيني

شمس المحبة .. مالها نيّة إشراق

يكفي معك قضّيت زهرة سنيني

حلمٍ مضى ياليت صاحبه مافاق

مكتوب أواجه ماكتب في جبيني

وعزاي كلّ الخلق في حكم خلاّق

ودنياك هذي كلّها دمعتيني

دمعة لقا .. والثانية دمعة فراق !!