رساله من الحمام
فى المسجد الحرام
من أرض الراشدين
تهدى صلاح الدين
والقاهرة
سلام
جت فى ساعة ندى
الفجر اللى ابتدا
يشق من المشارق
على طول المدى
وطيبت حنين
اخواتها الفرحانين
فى مادنة الأمام
رساله من الحمام..
أنا من أرض النبى
وقلبى حن بى
الى السيف اللى دمر
الظلم الأجنبى
يايوسف الأمين
يادرع المسلمين
متبارك المقام
رساله من الحمام
عن حبى لاتسل
كلمتك بالمثل
وعرفتك من جراحك
ياقاطف العسل
تشفى المستضعفين
ترفع عن البنين
مشقة الأنتقام
رساله من الحمام
*****
رساله من الحمام
فى المسجد الحرام
من أرض الراشدين
تهدى صلاح الدين
والقاهرة
سلام
فؤاد حداد: شاعر العامية المصرية وصوت الوطن من رواد شعر العامية المصرية الحديثة، برز اسمه في منتصف القرن العشرين.
ناشط سياسي، دافع عن القضية الفلسطينية بقوة من خلال أشعاره.
كاتب مسرحي، ...
