على مسافة جرح من بحر ذكراك

جلست اقلّب حيرتي في يديني

أحيان ابي قربك وشوفك ولاماك

واحيان أنا حتى أنا ما أبيني

أحيان تآخذ من سنيني هداياك

وأحيان تدفع للهدايا سنيني

تعبت ادوّر شوفتك وأتحراك

وأنا أجي وأروح ما تحتريني

مدري ضنينك ولاّ آخر ضحاياك

بس الأكيد اليوم ما أنت بضنيني

صادرت نومي وأمنياتي بجفواك

ما نيب سامح لك تصادر حنيني

هذا قراري ، ما بقى شي يهواك

ما عاد فيها ما تبيني / تبيني

لا أدورّك ولا أنتظر يوم لقياك

ولا اتعب احساس فرجوى تجيني

وإن قلت لي عيني بتبكي لفرقاك

بأقول لك عيّت على الدمع عيني