راح افضل مهما شاب شَعري أقول و أقول
و مش ممكن يحيدني غروب و أفول
و لا في قوة في الدنيا
تخلي الحرف في لساني يكون مشلول .
**
يا حرف اطلع و لا يهمك
و قول الحق لو صلبوك على الجدران
و اوعك يوم تعيش خانع
ذليل و جبان
و اوعك عن قضايانا تكون مشغول
و لا ترخّص في يوم قيمتك
و لا تحني في يوم قامتك ..
لمستعمر و لا مسؤول
**
يا حرف اطلع من الوجدان
و طير بيا لكل مكان
و خبط ع. البيبان يا ناس
أنا الإحساس
أنا الإنسان
انا مقدرش أكون محبوس ما بين جدران
و لازم للوجود أطلع
عشان كل الوجود يسمع
و يعرف يعني ايه شاعر
بيعصر قلبه بيمينه
عشان غيره يكون فرحان
و هوَّ من الأسى مقتول