صفر جطر الصعيد
صفر والسكه بعيد
صفر من غير مواعيد
صفر ابو جلب حديد
صفر ياني ويامراري
واخدني لفين مش داري
فايت أنا ناسي وداري
وراكب في الجطر وحيد
صفر جطر الصعيد
شايل زكري ودليل
من ريحة بحر النيل
صوره وحبة هلاهيل
وكام سلام بالإيد
صفر جطر الصعيد
صفر صفر ياوابور
شايف عجلك ها يدور
جلبي في عجلك مجرور
وعجلك جبار وعنيد
صفر جطر الصعيد
صفر وبديت الرحله
والليله عتمه وكُحله
راحل وايامي راحله
وناري في حشايا تجيد
صفر جطر الصعيد
صفر وإزاي هاارتاح
وانا ماشي يابوي سواح
وياعالم لما أعاود
هايكون في الدار أفراح
ولا بُكا وتعديد
صفر جطر الصعيد ..