بسم رب العباد ابدا ولا ابدا غير بسم الله أول بادي
الحليم العليم اللي يرى ويشوف ما في قلوب عباده
يا الله اليوم وفقني وعطني مطلبي يالولي ومرادي
وسدد أمري وشد أزري على ضيم الدهر والزمن وجهاده
واعفُ عني واعني يا معين وقدني واهدني يا هادي
وحل بالحال عقده من لساني يا إلهي وحل قياده
يا سلامي سلام الله سلامٍ صافي من صميم فؤادي
يا سلامي عليكم يا منار العز دوله وشعب وقاده
وما نشا وارتكم ثم ارتهش وارهش وجهّى غشين وجادي
وشب من شرق برقٍ بالدجى سرهج سناه ورجس رعاده
ثن جزل التحايا والثنا ثنه لابن ثاني المعضادي
حاكم نادرٍٍ منتوب من هامة مضر صافي ميراده
ولتميم القبيلة تاح راسي لا بتي عزوتي واسيادي
ولتميم الغضنفر ساعد السبع المظفر حمد وسناده
وبعدها قلت يا شرد المعاني ريعي واذعني وانقادي
واصغري واخضعي لامجاد شيخ شامخ مثل شم اطواده
حازم حاسم حلحيل ومحنك وحاكم وحكيم حيادي
عز داره وشعبه للحضارة والعلا والتقدم قاده
اقتصادي سياسي دبلوماسي عسكري داهية وريادي
قاد نهضة قطر للعالمية شاهدوا واشهدوا بامجاده
والله اللي ليا منه عطى جزل العطا وان وهب جوادي
بالحسب والنسب مع بسطه فالعلم والجسم ربي زاده
هيلعيٍ صميدع صيرميٍ صارمٍ ساطي ورادي
يعربي معرب حنظلي من تميم ووهيب اجداده
أقسى الامه على الدجال والعيال والمعتدي والغادي
وذا حديث النبي المصطفى عند البخاري صحيح اسناده
سيدي يالاسد يا سد مأرب يالهدا بالمحيط الهادي
ياحمد يازبنا ياذرانا ياعمود الوطن واوتاده
فيك رسم الشهامه والشجاعه والندى والمبادي بادي
وفيك حزم الزعيم وهيبة الزيزوم وعزوم فوق العادة
من سلايل سليل المجد قاسم قاسم الحرب عوق العادي
يكرم ضيفه ويعين الضعيف ويردع ويلطم الهداده
قاسم الليث هذاب السرايا بالبحر والوعر والوادي
ما يهاب المنايا فارس مقدام وارياه قدح زناده
جعله لجنة الفردوس من راحت حياته جلد وجهادي
يضرب الكود ويدوس الافاعي لين عفّا حدود بلاده
آل ثاني هل العليا أولى بأسٍ شديد وسبط ايادي
كاسبين الثنا والطيب والطولات سادة قطر وعماده
والمعاضيد لابان الضديد بساحة المعركة والمادي
ياردون المنايا ورد هيم ونارهم دايم وقاده
لابتي عزوتي للضيف ريف وللمعادين بالمرصادي
ومن زبنهم وجاهم في وطنهم زبنوه وعطوه مراده
ويا قطر دونك رجال ليا حل الخطر بالعمار تفادي
من جميع الحمايل عند هيجات العزاوي تجي وراده
انشد الشقب عن صبح رمضان وهول كون جرت وطرادي
ومن بغى زود افاده ينشد الخفجي وتعطيه زود افاده
الحقايق جليله والمشاعر حاضره والبيوت جدادي
صاغهن شاعر طولات ربعه يا عرب تفحم العداده
وحشا لله كل في حقه والعرب نازل وشدادي
والله يلوم اللي يلوم اللي يهيم بهله وابداده
الفرزدق جرير العرفج اللوح القضاه الصقيه استادي
كلهم من تميم ومن حضر يدلي بدلوه من القصاده
حامي حامي حاضر بحاضر وان حدا للحماسه حادي
شاعرك ماذخر واله الفخر يا سيدي لا فتخر باسياده
واسلم واسلم ودم واقبل قصيد صادق من صميم فؤادي
نظم حر تميمي يفتخر في لابته ما نظمه شحاده
قلتها وادري ان الطيب كايد والفتى زارع حصادي
وكل مخلوق يلقى ما زرع لاحط في ضيقات الحاده
وعد ما عاد عيد وفاح ريح العود الازرق وريح الكادي
ختمها يا صلاة الله على صفوة قريش وجميع عباده