في جمالك سحر وعيونك هلاك

الوضيحي منك سارق مدمعه

طبعك انك ما اتصنع مستحاك

خذت لفتات الغزال ومرمعه

إرفع المنشول لي داجي كساك

لف منشول السبايك وارفعه

غط به نور البياض اللي زهاك

خل منشوله يغطي مفرعه

لاتشوفك شمسك اللي في سماك

لو تشوفك تنثني لك خاضعه

البدر يبدي كسوفه من ضياك

كيف روح في هواك مولعه

في لقاك أكون في حال ارتباك

وكل شي يختلف عن موضعه

أصغي إل صوتك ولاجاني نداك

اتجاهلني وصوتي تسمعه

تاه قلبي غصب عني في هواك

ليت من خذه ابظلايم رجعه

المحب اللي بإحساسه رجاك

عمره الغالي بوهمك ضيعه