من جمالك ماخذ وصف الجمال

ياجمال ماعلى وصفه حدود

روح يقتل حسنها زين ودلال

والاصل في الروح تحيي هالوجود

حرت في حسنك قوام واعتدال

ومنك اتعذب انا قرب وصدود

بي شعور خافي مثل المحال

سر في الوجدان عن عين وخدود

هل يكون الحب من دنيا الخيال

مانشوفه وبه نحس وله نعود

مثل طيف ماعلى وصفه مثال

هو جنون او فتون او جحود

حلوتي لي علقتني في حبال

من مودتها وفازت بالعهود

قالت أنه يوم بكره الارتحال

وطيفها عندي الى يوم الخلود

لو رحلتي من جنوب وفي الشمال

مثل عيني ماتشوفك يالعنود