أكرهك في حضرة العذال للتمويه

وإلا انته أعز وأغلى شخص في كوني

معاك قلبي تفضل إسئله من فيه

وإلا تحسس غلاك بمقلة عيوني

حبك بقلبي وعيني كيف أنا بخفيه

أصد واكسر عيوني لا يعرفوني

إذا خفيته عن الحساد لجل احميه

وأجنبه كبرياك وثورة شجوني

الحب مني وفيني آخذه واعطيه

من يستحقه ولا ارضى دونه الدوني

يختال في مهجتي في حاضره وماضيه

مستقبله يا حياتي فيك يحدوني

أنا حبيبه صحيح وليتني قاضيه

بأخذ حقوقي وبعطيها لمضنوني

تستاهله لو ملكته بالكبر والتيه

تستاهله وانت فيه امهزع اركوني