كلمتكم والخط شغّال

يابعد عمري ليش ماترد

في ودّكم حاير ولا زال

انتم ولا عنكم غنى وبد

انت الأمل والحال والمال

وانته حياتي وانته الود

مايجوز منك تشغل البال

يا وليّفي يا صافي الخد

ياسيّدي ماني بحيّال

مخلص لكم والله يشهد

لا تخاف من حاسد وعذال

خلهم ولا تبيّح لهم سد

يامهجتي ياطيّب الفال

انته الفخر والطيب والورد

هجرك علينا صعب ومحال

ايزّيد الافكار والوجد

دنيا غرامي امرها عال

صعبه ولا تصفي لكل حد

اهل الموّده قالوا امثال

اللّي يغرس اخر بيحصد