تنقضي لاعمار يالغالي حسوف

وانت وينك وين عني يالحبيب

في شمالي وانت في شرقك نكوف

تدعي الغربه وانا مثلك غريب

نحسب الايام ونلوم الظروف

والتلاقي مالنا عنده نصيب

حكمة الله مالنا عنها عزوف

لو قضينا العمر في هم ونحيب

إعترانا من رواة الغدر خوف

وافترقنا ليت لقيانا .. قريب

لك انا مشتاق يا السمح الشفوف

واشياقي فيك يا عمري صعيب

لو تشوف اللي جرالي .. لو تشوف

حيرتي والوجد والحال الكئيب

أستخيلك في مسيري والوقوف

واتأمل وردة الغصن الرطيب

كم كتبت الشعر واتعبت الوصوف

كم رسلت الشوق لعيونك نديب

انت لي أسمى المعاني والحروف

انت لي قصه بعنوان ( الحبيب )