مستمطره .. قالوا وبرق الحيا لاح

صلواوخيل عيونهم في مزونه

تعبت وهي تترقب البرق بإلحاح

و(فـ) ناسها كل المواجع حنونه

كن المطر بأرواحهم يخلق أرواح !!

إنِِ مرهم لافي عنه ينشدونه !

تلقى لوبله وسم بيدين فلاح

يسقي عصافير السنابل شجونه

مايحملون لبردهم غير مصباح

مطفي ولعلوم السهر يشعلونه

يخفت سهرهم وأشعل البال من راح

يضوي بيان وحول الليل دونه

يدهشك شيخ إن مده أقصاه وانزاح

ينام ما نام السهر في عيونه !!