لا تهج البوح لـ أحساس الأماكن

يمتلي صدر الورق حزن وكآبه

الشوارع مظلمه , والبيت داكن

والنوافذ كلها صمت وغرابه

والموانئ خامله , والموج راكن

يلفظ انفاسه على شط الكتابه

جيت أعشم بردها ب الصيف لكن

الفصول الأربعه / برد , و رتابه

آآه لا صار الغلا ب الجرح ساكن

والخناجر كلها ربع وقرابه

مايطيب الحال دام الحب ماكن

من عروق , ومن فياض , ومن سحابه

ومن نشدني عن سبب حزن الأماكن

جف صوتي , مت , ما شاف الاجابه