غيم يا غيم يوم إنك رسول كريم إلى كريم
مد صوب الرياض ولاتوديت ماتحتاج تنشد
ما أظن الضيف يغوى بيت عبد الله بن عبد العزيز
وتضعيف وهو يعطيك كرسي وكانك تشتكي له
وأعطه إيدك وييافرحة يده من يدي المستضعفين
ثم إذا قال وش عندك قل أنا لفيتك باسم شعبك
البشر والشجر والطير والغير يهدونك سلام
كيف لا وانك اول حاكم ينزل الاسواق معنا
يوم أصريت تتعرف وش أسواقنا وأيش أكلنا
كيف لا وأنت أبو متعب نصير التطور والأصالة
والشهود القلم والسيف والكمبيوتر والجمل
كيف لاوانت يوم استقبلك شعبك المخلص بعرضة
رحت تعرض بسيفك بينهم لاجنود ولا حرس
كيف لاوانت لما سلط الله على جيزان حمى
رحت جيزان تتبدل مرضها بمنتجعات نيس
كيف لا وانت لما في القضية تعنت بوش الإبنا
رديت بحزم وألغيت الزيارة ولقنته دروس
لو كانوا كل حكام العرب مثلك الا مثل ظلك
والا مثل اسمك اللي لوطرق مسمع ابليس أرتجف
اصبح الما جليد وعالم المسلمين الثالث أول
واصبح الغرب شرق وكفت الأرض عن دورانها
في عبدالله بن عبدالعزيز