يافخامة وياصاحب جلالة وياصاحب سمو
لاتقولون وش دخلك ما تنكرون اني مواطن
وان من حق الانسان المواطن يقول اللي يقول
لايضايقكم اللي نطلبه ما نبي منكم وظايف
عندكم مايكفيكم من الاخويا والحاشية
مانبي مانبي منكم عمارة بيوت ومنح اراضي
فإن ماظل شبر الا عليه امر سامي خل صك
مانبي مالنا اللي ما تعلمتم الا تنهبونه
ولطشوه اليهود ووقفوكم على باب الطفر
وضعكم يكسر الخاطر يالاثنين والعشرين شارب
كل مامر خمس سنين جتكم تمرمطكم عجوز
والذي لا اله الا هو انا ندور شي واحد
انكم ماتردون المجاهد عن ابواب الجهاد
إما لن كان قمتكم مثل ما سبقها من مهازل
كلها شجب واستنكار واسقاط وتبادل تهم
مانحن ناقصين هروج يالله لنا في ماسمعنا
ليتكم تسكتون وليتكم تبلعون العافية