مد الهجر !
بمدلك غصن خضر !!
أنا أخوك ابن أبوك ادم أنا
لا انتظر منك العنا ..ولا تنتظر مني عنا
ومدام هاذي أرضنا .. والشمس ولقمره لنا
وروض المشاعر بيتنا..
مد الهجر بمدلك غصن خضر !!
الطيب ليه ازداد غربه وش حصل للناس يأخي ؟!
ياخي من اللي طاب قلبه واسعد الإحساس ياخي !!
ياخي من اللي طاب قلبه من خدوش اليأس ياخي !؟
ليه افترشنا الحزن؟!! واسقينا رضانا من غضب !!
ليه استحال المزن ليه اقفت عناقيد العنب
يا رب حتى اللي نحب سن السدود بلا نسب
يا رب
مرار ياخي بكل شي , حتى بلحظات الطرب
من آخر التفكير جئت أقراء على العام الجديد2000بيت
مضمونه في كلمتين
الاوله : لو ما حصل!!
والثانيه : ياليت !!
ما مرنا كفاية الدنيا سرور إلا سبقنا للقبور
ولا ارتفع فينا رفيع من القصور إلا دهدم بالغرور
غبنا على عيون الفرح كل الفرح محذور مااوجعه يفنا قبل نفنا معه
وان زارنا يا مسرعه !!
يدخل بنا أحلامنا ويطفي علينا النور
الله حسيبك يا فرحنا !!
صدق ماعندك شعور
وشفيك كل اللي اقوله ماعجبك !!
وش يعجبك؟!
طار ي البنات؟
يابعد عمري ياالبنات ..
هن الفرح من خلقة الدنيا خوات لكنهن مثله وهو مثل الدموع بلا ثبات
مضيعتك الاوله الثانيه والثالثه والرابعه متشابهات
إن حيرتك الخامسه السادسه تلقا بها نفس المعاني والصفات
أموات حنا بدونهن وبحضورهن ياصاحبي أموات
والآنسات إذا هسن ولاّ نسن اوعبسن اونكسن عنك الحسن هد الرسن وش هل وسن وشطب على مافات !!
وان كان تبي روحك تعيش معززه حاول تمزمز مزمزه
وتصبر على قل الوفاء و اللي رضاهن معجزات !!
وهيهات ثم هيهات ثم هيهات :
ترجع لنا مريم او نحتفل عقب النبي عيسى
بميلاد الحياة ..
يا صاحبي ولّى زمان المعجزات
خل السهارى للسهر..
خل العذاره للغدر
وخلك على هذا الهجر.. وخله يدي في كلّ يوم : تمد لك غصن خضر ...