في عبَارات العيون أشْيَا كَثيره تسألك

دَمْعَها حَكي وْندَاها بَلَّل الخَد النديّ

ما قدرت أرضي غرورك واستحيت آزَعّلِكْ

كلما لك وانت تنْهِيْني وانا ارِدّ ابْتِديّ

دام نَظراتك مَدارات وْرجَا قَلبي فَلَك

كَم عن (برج العَرَبْ) يبعد مدى (برج الجدي)

قلت تقريباً عدد ما عاشِقْ بْحبَك هَلَك

تقصد الا عدّ نِصّ جْروح قلْبي يَا بْعَديّ

قلت لك لا لا ترد تْقول لي مَا قلت لك

المشاعر ما تنام الاّ انت قلت لْهَا ارقديّ

وانت يوم الله عَطَاك أحلى الوصوف وْكَمَّلك

كيف تتركني على شَطِّك وانا قلبي صديّ

والله ان عروق قلبي كلّها ترتاح لك ليتك

الاّ مثل ما خذت بْيدك خذت بْيديّ

من لمَسْت ايدك وانا اتْفَداك واتْفَدَّى هَلِكْ

ما دريت أنَّ الهَوى والعشْق باللَّمْس يْعَدي؟