إن لذع بالطرف لي مكسي ابدعايا

والهدب زافات يللي امظللنّه

والحشا منهوب وانهوده نفايا

فايعات فوق صدره يزهينّه

وإن تبسم إوضحن ذيك الثنايا

كنهن درّ وحصابي امنقينّه

والمعنق عنق خشف م المهايا

واليدايل فوق ردفه يكسينّه

والخدود ابروق مزن في السمايا

يبرقن وسط الدجى وينورنّه

ما خلج مثله ربّي في البرايا

جلّ يللي صوّره ومكملنّه

لدنّي حبّه أنا لدّ الظمايا

مبعدات وردهنّ ما يلحقنّه

يعل يفرح بالسعد هو والهنايا

لو يوزيني أنا مب لايمنّه