كأنك على قولك تمنى لي الخير

ساعدني أنسى حبك اللي خذاني

خلي حياتي تنقلب كلها غير

وانسى الحبايب والزمن والمكاني

حبي لك أبلغ من كل الأساطير

ما له بقاموس الهوى وصف ثاني

لا شك أنا أشعر بالنهاية وش تصير

واحسب حساب فراقنا بالثواني

بيني وبينك واقع الحال تحذير

وعند الموادع ما تفيد الأماني

عند خبر مثلي بحكم المقادير

على هوانا صادر الحكم ثاني

كرهني بنفسك ولو بذنب صغير

القى به اعذاري واعود لزماني

المشكل انه ما بدى منك تقصير

وهذا يزود واقعك في كياني