اللي تودع ضناها العام مبتسمه

قالت عساه الذهاب إن مارجع داسم

ما علمتنا عن الموقف متى حسمه

لا انتظروا أصحابه اللي ربهم قاسم

السالفه طولت والناس منقسمه

يالله بنصر عزيز وموقف حاسم

لا والله إلا غدينا وجبة دسمه

مادامها وصلت الدعوى لأبو القاسم

يكرم عن الحالمين بوصفه ورسمه

تخسى الرسومات واللعنة على الراسم

اللي تجرت ايدينه عرفوا باسمه

هي مابعد ماذاقت الميسم من الواسم

وش يامر الشيخ فيه إن غابت البسمه

والله مايصبح إلا والثغر باسم

إن ثار مليار والجاني وجب وسمه

كل مصيره مع أهل الخير متقاسم

وإن لانت الريح نسمه في قفا نسمه

يكرم ويكرم ويكرم وجه أبو القاسم