يامسافر مادعاك اللي دعاني

ماخفق قلبك ولا ودع محله

ما شكيت من الوله بين المحاني

ماجزعت من الفراق وكبر غله

ما ذكرت دروبناوالليل داني

كم سهرنا نطوي الليل ونفله

ماتحس انك فقدت انسان ثاني

مايمل القرب منك ولا تمله

ماتعرف ان العطش ساق السواني

والرجاء غيمة غلاك المستهله

لا تخليني وانا مالي مواني

غير شاطي هالعيون المسفهله

وانت لا حبيتني لازم تعاني

ماتشوف شلون حالي مضمحله

وكان تذكرني مع الخلوه ثواني

انت في بالي شهر شوال كله