يا عين ما هي سالفة ضحك وأرماش

يا ام الهدب والكحل واللعب والطيش

ماني على النظره شفوقٍ وشواش

حتى ايش لو يدعيني الشوق حتيش

لو مدلي وجهك من الحسن ما حاش

ما يستجيب لرغبته كود درويش

لو ان وصلك فيه ما يبرد الجاش

وعلى ضفافه ينعم الحب ويعيش

ياهيه كلك ملح لكن على ماش

مثل البحر ما بل ريق المعاطيش

وانا بدنيا النقض والفتل منداش

وانتي مغير تنقضين العكاريش

وانا اتقلب كل ليله لي فراش

وانتي على مخدةٍ كلهاريش

وانا بكفي للمواجيب حواش

وانتي كفوفك للذهب والدناديش

روحي مراح اللوح في غبة الطاش

لا روحت به موجة المدّ بشويش

لا عاش قلبٍ يتبع الهون لا عاش

ما تخدعينه في سراب النشانيش

خليه بين ضلوعه العوج يعتاش

حرّ تعلا عن طمان الخفافيش