يقطعك يا حبٍّ توقف على ماش

ومن حب حلوين المظاهر بلاشي

اللي يبيعون المحبين ببلاش

حلوين الالسن و القلوب الغشاشِ

العرق لو يقصر عن المي ما عاش

والشمس لو تغرب على الكون عاشِ

تفخر بزينك يوم تجفل و تنحاش

ما تدري اني منك قانع و ماشي

من اولٍ عيني ترفرف بالارماش

جفن غطا و الجفن الاخر فراشي

مطوعٍ لك قلبٍ ابيض من الشاش

و مستدخلك بين الضلوع الهشاشِ

و اليوم اب أنقش سر حبك بمنقاش

الله و لا حبٍّ سعى فيه واشي