الحين هذا دفترك وش تبيبه ؟

صفحاته البيضا كفن للحكايات

كنت الحبيب وكان حولك حبيبه

والحين ميت .. كل من حولك أموات

وش عاد تقرى فيه ؟ قصة غريبه ؟

ولا نهاية جات قبل البدايات ؟

خلي قلمها.. لا تفكر تجيبه ..

حبره قليل .. وحرف حزنك متاهات

وشلون تكتب .. والكتابة مصيبه

في كل صفحة جرح نازف وخيبات

كل السطور جروح ذكرى عطيبة

والحرف شاعر خان ترتيب الأبياتْ ..!!

الليل يقبل في ملاية كئيبةْ

والجرح له يومين فالقلب ما بات

وإنتَ فباب الحرف حزنك نصيبه

إن جيت تكتب سالت دموع الأوقات

خلك مكانكْ دفترك وش تبيبه

صفحاته البيضا كفن للحكايات ..!!